|
| 今日翻到屋企,我阿妈同我讲既第一句话就系"你几时休息,上去探下爷爷,佢病得好重..."
跟住我冲凉果阵,谂咗都几多野...其实从我知道我爷爷得咗肺癌之后,就知道呢一日始终会到黎. 之前我公公都系因为癌症--肝癌,而过咗身. 果排我系睇住我公公一日一日咁消瘦,一日一日咁虚弱.到完全失去知觉. 最后,佢走既果一个凌晨,我冇去见佢最后一面,我知道我一定会忍唔住,或者可以话我唔敢面对...
我知道老一辈既长辈,终有一日会离开. 我估计我爷爷净翻既日子都唔会好长. 如果而家先黎回想当初有咩做得唔够,想补救,我会觉得好唔实际. 不过有咁既心意总比冇既好,我的确好多时都忽略咗身边既亲人,而家仲可以补救d咩? 最心痛是,爱得太迟...呢个唔洗讲都明白既道理.
人始终要成长,成长自然要承担责任,其实同人在江湖身不由己差唔多. 即系有好多野本来唔需要自己操心,到后来都不得不操心,因为有呢个责任. 我而家既责任,就系累积经验,积极进取. 要做既始终要努力,成日叫人争取,都要叮嘱自己发奋.
要答谢自己既亲人,就只有令自己独立,唔需要再令人担忧. | | |
| 一个陪伴咗我接近6年既硬盘,IBM 80G 7200转 IDE硬盘,系我无尽的BT蹂躏下,终于接近极限. 寻日多次出现死机,而且几乎不能读盘. 今日我相当焦虑,上班都觉得自己情绪比较低落,再加上今日冇单开,真系难熬~~~
不过都好彩,今晚翻到屋企,个硬盘都算听话,开得翻
但系始终呢个硬盘需要休息吓,换过个新既~
始终相信你既能力---IBM | | |
| 记住,如果有个人好唔专心咁望住你,而佢又系度做紧其他野,咁佢就系差人
Remember this, if you see some one doing something without paying attention to it, but at the same time watching you, then he is a cop~!!!
3年了,3年之后又3年,3年之后又3年,10年都黎啦,老细
3 years, 3 years after 3 years, 3 years after 3 years, 10 years are coming, boss
高音甜，中音准，低音劲，一句讲通透
High 音 sweet, middle 音 perfect, strong bass, one word "TRANSPARENT"~!! | | |
| 经过年前既大战,而家终于都恢复翻平静. 只系个屏幕同手提已经离我而去,系我亲手毁灭你哋既. 两个字--"优秀". 而家又要系厅摆阵了.
过年前一个礼拜到而家都未休息过,已经连续上咗接近3个礼拜班. 攰就未至于好攰. 只系有d无奈啫.
| | |
| 今日我同阿妈落深圳办事,为咗争取时间,我哋一大早就出发了. 既然落深圳,我哋就打算顺便探埋爷爷同嫲嫲佢哋. 咁阿妈就俾电话爷爷. 起初都冇乜,不过爷爷讲咗个唔系咁好既消息我哋知,就系佢患咗肺癌. 我从电话中听到爷爷一边同阿妈讲,一边就话自己冇事,话唔洗担心. 其实点可能冇事,点可能唔担心. 虽然话老人家到咁上下年纪特别容易有病痛,不过因疾病而离开系最痛苦. 因为我公公就系肝癌过身既,我睇住佢从好健康咁食得行得,跟住一日一日咁消瘦,到最后已经完全体力不支,而被带走果种痛苦,我相信我呢一世都冇可能忘记任何一幕. 当时佢离开果一晚,我冇去见佢最后一面,因为我知道我一定会忍唔住,不过呢种痛我系知道我系感受到. 讲翻其实我应该更早可以知道爷爷既事情,因为早系10月果阵,我大佬俾过短信我,叫我得闲打电话问候爷爷,因为佢当时入咗院. 我以为佢系好似平时一般病痛咁去疗养. 结果我自己冇咗件事. 或者我应该早就预到有咁既一日,问题系几时黎. 我好明白长辈总系会离开自己,我系一定会睇住佢哋离开. 我爷爷钟意食烟,而且高峰期可以一日食好几包. 虽然我唔钟意食烟,而且对烟味有敏感,系特别敏感. 不过每次同佢食饭我都唔会有任何意见. 因为我知道呢个系佢既嗜好,要佢改好难,屋企人都经常劝佢戒烟,不过都系一样. 而我今日知道我爷爷最伟大既地方,就系佢系我哋余家既精神支柱,系我哋余家团结既核心. 我知道佢同我嫲嫲已经多年生活唔愉快. 佢住系龙岗,我嫲嫲就系深圳市区,爷爷多数时间都系龙岗. 自从我爸爸过身之后,我就少咗接触爷爷呢边既屋企. 不过我知道呢边既情况. 我嫲嫲对我细婶常有意见,而且对佢态度都唔多好. 我细叔同细婶呢段婚姻都唔完满,已经濒临破裂既边缘,而家只系靠我最钟意既堂妹晶晶维系住. 我姑姑个仔,志豪从细就有自闭症,要养大佢我姑姑已经付出咗好多. 姑姑都收养咗个女,不过我对呢个女冇乜好感. 我二叔佢哋一家算系最幸福,因为我大佬做警察之后,二叔同二婶就专心茶餐厅既事情. 不过都唔系咁乐观,因为物价上涨令茶餐厅经营日益艰难,而且面临迁拆,又未揾到合适既铺位. 有时真系好难想象爷爷离开咗之后既状况. 不过呢一切而家好似又言之尚早,而且又唔到我控制. 所谓家家都有本难念的经. 我并唔系想博取任何人既同情,只系想抒发一下,心情颇复杂...... | | |
|
